എനിക്കു പാടാനൊരു പാട്ടിലുണ്ടൊരു പെണ്ണ്

34
0

സിനിമ: ഇവര്‍ വിവാഹിതരായാല്‍
രചന: ഗിരീഷ് പുത്തഞ്ചേരി
സംഗീതം: എം.ജയചന്ദ്രന്‍
ആലാപനം: സൈനോജ്‌

ഏഹേഹേ ഏഹെഹേ ഹേ
എനിക്കു പാടാനൊരു പാട്ടിലുണ്ടൊരു പെണ്ണ്
എനിക്കു കൂട്ടായൊരു കൂട്ടിനുണ്ടൊരു പെണ്ണ് കിളിപ്പെണ്ണ്

എനിക്കു പാടാനൊരു പാട്ടിലുണ്ടൊരു പെണ്ണ്
എനിക്കു കൂട്ടായൊരു കൂട്ടിനുണ്ടൊരു പെണ്ണ്
കുളിരാമ്പലത്തളിർ കൂമ്പി നിൽക്കണ കണ്ണ്
അവളമ്പിളിയുടെ കുമ്പിളിലൊരു പൊന്ന്
ചിരി കണ്ടാൽ ചൊക ചോപ്പുള്ളൊരു ചുന്ദരിപ്പെണ്ണ്
എനിക്കു പാടാനൊരു പാട്ടിലുണ്ടൊരു പെണ്ണ് കിളിപ്പെണ്ണ്

പവിഴമല്ലി മുല്ലയോ പാൽനിലാവിനല്ലിയോ
മിഴികളാൽ മെനഞ്ഞെടുത്ത മഞ്ഞു മൈനയോ
മഴ നനഞ്ഞ വർണ്ണമോ മാറ്ററിഞ്ഞ സ്വർണ്ണമോ
മകരമഞ്ഞിലൂഞ്ഞലാടും ആതിരേ വരൂ
എനിക്കിനിയൊരു മണിക്കുറുമ്പിന്റെ ചിറകടിയുടെ ചിരിക്കാലം
എനിക്കു മാത്രമുണ്ടൊരു പെണ്ണ്  

അകിൽ പുകഞ്ഞ സന്ധ്യയോ അഴകിൽ മേഞ്ഞ രാത്രിയോ
മറയുവാൻ മറന്നു പോയ പാർവണേന്ദുവോ
വെറുതേയുള്ള സ്വപ്നമോ വേനലിന്റെ രശ്മിയോ
ഇതൾ വിതിർന്ന പാരിജാത രാജമല്ലിയോ
എനിക്കവളുടെ മൊഴി കുടമണി തുടി തുടിക്കണ വെയിൽ നാളം
എനിക്കു മാത്രമുണ്ടൊരു പെണ്ണ് (എനിക്ക്…)